ယခုစာမျက်နှာအကြောင်း

ယခုစာမျက်နှာတွင်ရှိသော ခေါင်းစဉ်အများအပြားမှာ စိစစ်နေဆဲဖြစ်သည့်အတွက် မဖြည့်စွက်ရသေးပါ။ မကြာခင်ဖြည့်စွက်သွားပါမည်။

ယခုစာမျက်နှာတွင် ခေါင်းစဉ်ကြီးနှစ်ခုရှိပါသည်။ နိုင်ငံတော်ဗဟိုကျောရိုးစုဖွဲ့မှုများနှင့် ဌာနေလူမျိုးလူထုခုခံစုဖွဲ့မှုများဟူ၍ ဖြစ်ပါသည်။ ယခုကဲ့သို့ ခွဲစိတ်၍ စဉ်းစားရခြင်းမှာ မြန်မာ့နိုင်ငံရေးတွင် နိုင်ငံတော်အာဏာကို လေ့လာကြည့်ပါက ရှေးခေတ်များကတည်းက နှစ်ခြမ်းကွဲလျက် ဗဟိုချက်မကို စေ့မရ ဖြစ်နေခဲ့ပါသည်။ လွတ်လပ်ရေးမရခင် ဂျီစီဘီအေ၊ တို့ဗမာအစည်းအရုံးများသာ ကွဲခဲ့ရုံမက လွတ်လပ်ရေးရပြီးသည့်အခါလည်း နိုင်ငံတော်စုဖွဲ့မှုအတွင်း အချုပ်အခြာအာဏာရှိသည်ဟု လက်ခံထားကြလျက်မှာပင် ဖဆပလနှင့် ကွန်မြူနစ်၊ ဗကပနှင့် စစ်အစိုးရများ၊ နဝတ/နအဖနှင့် NCGUB၊ NLD နှင့် USDP၊ ယခု NUG နှင့် စကစ ကွဲနေကြပါသည်။ ယင်းသို့ အစဉ်အဆက် အမြဲပင် ကွဲနေသော်လည်း "မြန်မာနိုင်ငံ" ဟူသည့် တရားဝင်အမျိုးသားအချုပ်အခြာအာဏာကို ငြင်းဆိုခဲ့ခြင်း မရှိကြပါ။ အချုပ်အခြာအာဏာကျောရိုးကို လက်သင့်ခံကြပါသည်။

ယင်းကျောရိုးမ၏ စိုးမိုးမှု၊ မူဝါဒအရ ဝါးမြိုမှု၊ နှစ်ခြမ်းလုံးမှ ဆွဲခေါ်မှု၊ စီးပွားရေး-နိုင်ငံရေး အခွင့်အရေးများပေးပြီး စည်းရုံးမှုများကို ခံရသည်မှာ လူမျိုးလူထုတို့၏ နိုင်ငံရေးအင်စတီကျူးရှင်း အသီးသီးတို့ ဖြစ်ကြသည်။ စာရေးသူ၏ "ပြည်ထောင်စုအတွင်းမှ လောကအမြင်များ" စာအုပ်အတွက် အင်တာဗျူးစဉ် ဌာနေလူမျိုးလူထု လက်နက်ကိုင် ခေါင်းဆောင်အများအပြားက "နိုင်ငံတော် ဆိုတဲ့စကားလုံးမှာ 'တော်' ဆိုတာကြီး ပါနေတာကိုက စိုးမိုးသလိုဖြစ်လို့ မကြိုက်ဘူး" ဟု ဖြေခဲ့ကြပါသည်။ နိုင်ငံသည် လူမျိုးလူထု လွတ်လပ်မှုများကို ချုပ်တည်းခြင်း၊ ဘာသာစကားနှင့် ယဉ်ကျေးမှုများကို ဝါးမြိုဖျောက်ဖျက်ခြင်းများ ဆက်တိုက်ဖြစ်ခဲ့သည်။ လူမျိုးလူထုတို့သည် နိုင်ငံတော်၏ စုဖွဲ့မှု (Form of State) နှင့် ယင်းနိုင်ငံတော်၏ တရားဝင်မှု (Legitimacy of the State itself) ကို လက်မခံ၍ အစောတည်းက ဖွဲ့စည်းပုံအခြေခံဥပဒေ အသီးသီး၏ အပြင်ဘက် ထွက်ကာ လက်နက်ကိုင်တိုက်ခိုက်ကြရခြင်း ဖြစ်သည်။ ထို့အပြင် နိုင်ငံတော်ကို နစ်နာမှုများအတွက် တာဝန်ခံစေ၍ရသည့်၊ ပြည်ထောင်စုအစိုးရကို တရားစွဲ၍ရှင်းနိုင်သည့် အနေအထား မရောက်မချင်းလည်း လက်နက်ကိုင် တိုက်ရဦးမည်သာဖြစ်သည်။ ထို့ကြောင့် ယင်းလူမျိုးလူထုတို့၏ နိုင်ငံရေးကို အာဏာစုဖွဲ့မှုအရ သီးခြားခွဲထုတ်ကာ ဆွေးနွေးရခြင်းဖြစ်သည်။

သို့ရာတွင် နှစ် ၈၀ နီးပါးဖြစ်လာသည့်အလျောက် တချို့အင်စတီကျူးရှင်းအများအပြားမှာ ပေါင်းခြင်း၊ ကွဲခြင်း၊ ရပ်တည်ချက် တခါမက ပြောင်းလဲခဲ့ခြင်းများ ဖြစ်ခဲ့ကြပြီ ဖြစ်သည့်အတွက် တခါတရံ နိုင်ငံတော်ကျောရိုးဖြင့် ပေါင်းလိုက်၊ ကွဲလိုက် ဖြစ်နေသည်ကိုလည်း တွေ့ရမည်ကို သတိချပ်ရန် လိုပါသည်။

နိုင်ငံတော်ဗဟိုကျောရိုး စုဖွဲ့မှုများ

(ဆက်လက်ဖြည့်သွားမည်ဖြစ်ပါသည်)

ဌာနေလူမျိုးလူထု ခုခံ/တော်လှန်စုဖွဲ့မှုများ

(ဆက်လက်ဖြည့်သွားမည်ဖြစ်ပါသည်)